Editor: John Khua Uk (Ukpi.CZ)

2016, NCCF ah Evan Tha Neih Fai nih a chimmi “love song” na sak ahcun Pathia hla nan sak tikah hmual a tthawn dingning tluk in a tthawng lai lo tiah achim, cucu micheu nih awlzang ngai in love song cu dawtnak hla ti asi ko caah Pathian zongnih dawtnak cu a cohlan i, kan Bible zong nih akan cahmi asi tiah kan ti ttheo tawn. Cun love song ruangah hell ah kan tla lai lo tiah thadam ngai in kan chim rih fawn. Micheu nih le love song le zuupu nih pei kan nunphung le kan holh an kilven cu tiah kan chim rih fawn. Love song fak ngai in a dirpitu le zuupu hna arak dirpitu hna lak ah khrihfa upa hna akan ttuanpiak mi le Bible cawnnak neimi hna ka hmuh hna tikah, ka khuaruahnak tampi amui mi alo. Khi ti kan ti tikah kan tuah bal lo tinak kha asi hrimhrim lo, keimah lila zong cu zuupu kam le love songah nunnuam ngai in arak i-zimi pakhat ka si ve ko. Nain khi nunnak cu kaltak dingin khrih nih aka duhpiakmi asi ti kai fian hnu cun kirhnawk tthan dingah ka nun ka siang lo.

Thlarau mi deuh kan ti lai maw? Thawngtha an chim caan ah, love song kong he pehpar in an hmuhnak an chim ttheo tawn, i duhfak deuh in love song kongah an kan phawmh tikah, mizeidah a lungfak bik kan rak si tiahcun, nungak le tlangval or khrih ah nutling le patling asi rih lomi deuh tete kha kan rak si tawn(keimah telh in). Cu nih a langhter micu mino sinah dawtnak hmual arak tthawnzia kha alang. Zapi nih Evan or Pastor te maw? love song kong he pehpar in Kan el-hnanak ah chirhchan kan hman bikmi cu Siangpahrang Solomon nih a nupi (Sheba siangpahrang nu) ramdang miphun zumlotu sinah arak phuahhnawkmi Song of Solomon hla tekha asi tawn. Khi hla lawng kan zoh i, zeitindah hi hla ttialtu nunnak a donghning asi timi kha, micheu cu kan dawi thai tawn lo, dawi zong kan i tim lo i, a huam zong kan huamthai tawn lo, mah siaremning hawih in kan hei au sawhsawh ve tawn.

Kan Bible nih dawtnak tiah a chim lengmang mi dawtnak pawl khi love song he ai-pehpar mi dawtnak asi lo tikha fiang tein chim ngam/khawh asi ko. Bible nih dawtnak tiah a timi dawtnak hna cu, tthen 4 ah tthen asi; 1) Nu le Va kar i dawtnak, 2) Innchungkhar i dawtnak, 3) Hawikom dawtnak le Pathian le Minung kar i dawtnak hna khi an si.

Song of Solomon hi amah Solomon nih a ttialmi asi i, 965 BC hrawngah ttialmi arak si. Phungthlukbia 3000 ahman i, hla fung 1005 arak hman hna(1 Siangpahrang 4:32). Hi vialte hla le biazai hna hi Solomon nih aho sin ah dah ahman? Tiah cun a nupi sin ah asi. Cucaah Solomon hla cu nungak le tlangval caah asi lo ticu afiang. Solomon nih a nupi ai dawhnak cungah, a hlorhnak le a thangtthatnak arak si. A tawinak cun nu le va kar ah arak hmanmi hla an si. Hi Solomon hla cu tthen 3 ah tthen asi i, pakhatnak tthit-umhnak, nutling le patling sin ah le nu le va asi cangmi hna caah asi. Solomon le Pathian ahlat tertu cu, hi a nupi zumlotu hna ruangah arak si. Pathian duhnak nak in nupi le duhnak le dawtnak kha biapi tuk ah achiah tikah Pathian a thinhan tiah (1 Sia 11:9) ah kan hmuh khawh.

Hi Solomon hla cu Solomon nih Sheba Siangpahrang nu a phuahhnawkmi arak si. (Exo 34:16; Deu 7:3-7) ah Pathain nih ramdangmi nan tthi in nan va hna lai lo tiah arak timi hna cu, ngai loin, duhnak nih a mit arak cawkter i ahna arak chehter, cucaah Solomon nih Pathian biakam cu arak mertak caah, Isreal pi cu cheu 12 ah ai cheunak arak si (1 Sia 11:11). Solomon hla kan zohtik ah a hrampi cu vawlei he aipehtlaimi dawtnak hla arak si. Cucaah (Jeim 4:4) ah vawlei he hawikom asi micu Pathian ral an si ati. Hika ah vawlei ahman mikhi sualnak kha chimduh mi cu asi.

Mitthawng Samson nunnak tlawmpal tein kan van cuan hmanh hna lai. Atawinak in Isreal miphun nih Pathian duh loning in an kal caah kum 40 Philistine (Filistin) miphun kut tangah sal a tanter hna (Biacheihtu 13:1). Cu an saltannak in chuahtu dingah Samson cu Pathian duhnak in hrin asi (Bia.13:5). Nain Samson cu dawtnak ah arak tluk ve caah, amah nunnak tiangin arak liam beh. Siangpahrang David nunnak kan zoh rih tikah nu duhnak nih anun arak chilh ve caah tuukforhnak chungah anun arak hman i, nupi chut le lainawng ah a cang len. Cu ruangah Bawipa nih na inn le vainam cu ai-tthen ti lai lo arak ti. Love song a sual ko tiah kan Bible chungah direct in akan cawnpiaknak cu hmuhkhawh asi lo, nain Solomon, Samson le David an nunnak nih indirect in an kan cawnpiaknak hmuh khawh asi.

Fiang tein kan chim ko ahcun love song a uar tuk rih mi le a ttanhtuk rih mi cu, thlarau lei ah nutling le patling kan si rih lo ticu a fiangmi answer pakhat asi ko. Kan Bible 66 chungah Solomon Hla lawnglawng nih a langhter tikah faktuk in hei dirpi ding ahcun aphu deuh rua lo. Bible chungah Kan duhnak cacaang pakhat le chapter pakhat pi lawng fektthup in kan i tleih peng ko ahcun, i fiannak timi aum kho tawn lo. Love song cu zumtu tling le tling lo tahfung pakhat ah hei chiah khawh asi ko hnga. Isreal miphun an nunphung le an caholh khi love song ruangah a tlau lonak asi tiah zei btk cauk hmanh ah ka hmu bal rih lo. Chim dihmi cu, kan nunphung le kan laica vialte khi love song nih maw, a kilven khawh cem hnga?

Vawlei taksa nihcun ramlak ah va awnhthawng a theih tikah a hlan ah arak dawt balmi DL zuun theihnak apek tthan tawn, asi loah, thlizil le thlapa hna a hmuh tikah lunglengnak ah a hman tawn, i mitthli tlaknak hna ah ahman ve tawn. Nain khrih salttha le thlarau taksa nihcun kha vialte thil ahmuh hna tikah Sertu Pathian thawnnak ahmuh khawh ve, cucaah cunpei Khrihfa hla bu No. 41 ah “Bawipa Pathian na tuahmi thil vialte hi ka ruah tikah ka lung nih a pha lo” tiah a tinak cu asi cu. Nangteh thilzil, vate awnhthawng, zanmui lakah ceunak petu thlapa tbk na thmuh tikah Sertu Pathian thawnnak maw na hmuh khawh? na Dl zuun hna dah na ngeih deuh tawn? Khakha cu nangmah biachahnak si ve ko seh.

Advertisements