By John Khua Uk Cz

Donnak Kuttleih: M.M.O riantuannak ah caanpek in na kan leengnak cungah lomhnak a ngan khun, i lunglawm tein kan i don. Cun M.M.O web hmangin nan kutza kan in tleih hna. Khrih nih akan chiahtami deihnak, ingtuar khawhnak le lomhnak hna cu nan cungah thlunghram ko seh.

M.M.O Hmuitinh: M.M.O nih biapi in ai hmaithlakmi cu; 1) Calei hmangin Pathian Bia kua deuh in karhter i, online hmangin mipi sinah Thlarau-rawl phak ter, 2) Laica tein Pathian Bia mipi nih tam deuh in kan rel khawhnak ding, 3) Kan zatlang nunnak ah remhherh deuhmi nunzia hna kha, calei hmangin chimphuannak le forhfialnak ngei kho hram uhsih ti hna hi, biapi in kan hmuitinhmi goal-tung an si.

M.M.O Serchuahnak: M.M.O cu pumpak ta si loin buin riantuanmi asi. Pumpak in Pathian Bia arak tial tawntu hmundangdang ummi hna kha, hmunkhat ah hnatlaknak ser hnu ah serchuahmi web pakhat asi.

M.M.O Sawmnak le Saduhthah: M.M.O riantuannak ah lamkip in telpi khawh asi. Calei kam in siseh, ruahnak cheuhnak lei in siseh, thlamcamnak lei in siseh mipi nih nan kan telpinak lai upatnak in sawm le thanh kan in duh hna. M.M.O nih hmalei cuan in saduhthanak tampi ai neih, lamkip in rak kan telpi cio hram uh tiah van nolh than kan duh ko. M.M.O chungah riantuantu hrimhrim hi Bible Sianginn kai liomi kan si, cucaah na thlacamnak zong kan herh i, lamkip in na kan telpinak zong kan herh. Pathian ram le miphun ca kilvennak caah ti’n zanghlei kan i khinhmi te khi asi. A donghnak ah kan caanpek in kan tawlrelmi “Ca”, “Thawngtha” le Video tete nih na miphun ca le na Pathian caah na siaherhmi an um asi cun Share, Like le Comment nak in M.M.O riantuannak rak bawmh ve khawh asi.

Pehtlaihnak:

M.M.O Website: https://meiinnmissionsorganizationorg.wordpress.com/  

M.M.O Gmail: momusers@gmail.com

Chairman: Isaiah Ngun Nawl (nn.ngunnawl2017@gmail.com)

Admin: Arthur (arthurbawi@gmail.com)

Editor: John Khua Uk (salaiukcinzah@gmail.com)