By John Khua Uk (Ukpi.CZ)

July 9 ahkhan BBC News nih arak thlahmi Church of England thiltuahmi kongah khuarauhhar in Khrihfa cheukhat an umnak cu FB comments ah hmuh lulh asi. Cucu zeidah asi tiahcun; (Church of England or England Khrihfabu) nih transgender pawl nu le pa sinak ai thlenmi pawl pumhnak service dang tein tuah piak ding tiah an cohlanmi cungah micheukhat lungtling lonak in an khat. Cuti lungtling lomi hna lakah vawlei cungah milang Evan Billy Graham fapa Franklin Graham te hna zong an i tel ve, i caknak ca zong pumpak a timeline chungah a ttial ve. Church of England nih an ruahning ahcun hi btk kan tuahnak nih mipakhat nih a intuarmi zawmhteihnak le nautatnak hma vialte kha a zawrter lai an ti. Cun zei bantuk minung an si zongah biakinn in kan rak dawn hna awk asi an ti. Hi biakinn nih an cohlan cang caah zarkhat voikhat lengmang Transgender pawl thlacamhpiaknak le thlawchuah peknak tuah asi lengmang cang lai. Cucu Pathian a cohlan khawhmi asi hnga tiah na ruah maw?nangmah ruahnak si loin Bible zohchih in ruah ve hram.

Evan. Billy Graham fapa Franklin nihcun hitin a chim; Pathian biakinn ah thleidannak um loin mi zeipoh kan cohlan hna ding an si ko, aruang cu Thawngtha nih kan nunnak thlen aherh caah asi. Nain Pathianbia cu biatak asi, cucaah zeitik hman ah ai thlengbal lo. Cun Pathian nih minung arak serah Nu le Pa lawng arak kan ser, nu in pa-sinak ah ai thlengmi, pa in nu sinak ah ai thlengmi (transgender) pawl cu arak ser hna lo, sinak aitlengmi service tuahpiak i colomhnak tuahpiak cu Pathian duhnak service chungin vai tthen khi asi, Pathian duh lomi conglomh-puai va tuahpiak khi asi ati. “Cawnpiaknak hmaanmi kha mi nih an ngaih duh lo i anmah duhnak tu kha an zulh i anmah theihnak duhmi chimtu dingah cawnpiaktu an lak hna lai caan kha a phan lai” (2 Timothy 4:3). Hihi Franklin tarmi Bible cacaang asi.